Собор Всех Швейцарских святых
Молитвы праведной Верене
Тропарь, глас 3
Любови юности своея последовав, / Любовь сердца своего обрела еси, / Любови Христовой живот свой предавше, / В любови ближнему послужила еси, / Темже образ любве нам полагая, / Святая Праведная мати Верено, / Моли Христа Бога, / спастися душам нашим.
Кондак, глас 8
Путь живота своего, любовию Христовой уязвився, озариша, / В земли Швейцарстей дела любве сотворила еси, мати Верено, / Во Агаунии други своя доблии погребеша, / В Золотурне граде яко отшельница бесноватыя исцеляше, / И градоначальника, тя гнавшаго, от огня трясавицы избавляше, / Во Цурцасе нуждающимся цельбы источающе, / С любовию и благодарением град твой почитает святыя мощи твоя, / Таможе и присно исцеляеши всех с верою к тебе притекающия: // Радуйся, цвете Фивейский, дар любве земли Швейцарстей являющая.
Молитва Святой Праведной Верене, чудотворице Золотурнской и Цурцахской, об исцелении
О святая праведная мати Верено, чудотворице Золотурнская и Цурцахская, яко тобою любы Божия в земле Швейцарстей яко плод красен принесошася: твоими же молитвами беснующиеся Господь исцеляше, градоначальника, тя гнавшаго, от огня трясавицы избавляше, люди твоя от глада вернаго сохраняше, слепым прозрение дароваше, змиев изгнаше.
Твоими же руками, о мати Верено, в Цурцасе прокаженныя очистила и раны их елеем умастила еси, и упованием по Бозе зависть и лесть попрала еси.
Радости исполнена молитву сию ко Господу возносила еси глаголющи:
«Славлю и воспеваю Всесвятое Имя Твое, Господи, сего ради ликующи радуюся, яко глас мой услышал Ты еси. Вем, яко не оставляеши моления всех, к Тебе прибегающих».
С симже упованием на велию милость Божию, взываем ти сице:
О святая праведная мати Верено, вонми с любовию прошению нашему и молися ко Господу о Р.Б., к помощи твоей в скорбех притекающих.
Умоли Христа Бога, да дарует им во всякой болезни, нужде и печали оставление грехов и жизнь вечную.
Осени же и ны покровом любве Христовы, юже животом своим засвидетельствовала еси, дабы и мы, возрадовашеся, воспели
Всесвятое Имя Отца и Сына и Святого Духа, ныне и присно и во веки веков. Аминь.
